2010 ஆம் ஆண்டில் சென்னை ஏகாந்த வாச மையத்தை அர்ப்பணித்தபோது முன்னாள் சங்கமாதா மற்றும் YSS/SRF இன் மூன்றாவது தலைவரான ஸ்ரீ ஸ்ரீ தயா மாதாவின் இந்த தெய்வீக அருளாசி வார்த்தைகள், சென்னையில் உள்ள யோகதா சத்சங்க சாகா ஆசிரமத்தின் பரிணாமம் உள்ளடக்கியதாக இருக்கிறது.

இறைவனுக்கும், குருவுக்கும் அயராது சேவை செய்யும் மனப்பான்மையின் இனிமையான சான்றாக இந்த ஆசிரமம் அமைந்துள்ளது. வனாந்தரத்தில் தியானம் செய்யும் ஒரு சிறிய குடிசையாகத் தொடங்கிய இந்த இடம், நகர வாழ்க்கையின் பரபரப்புக்கு மத்தியில் புத்துணர்ச்சியைத் தேடும் பக்தர்களுக்கான ஆன்மீக சோலையாக படிப்படியாக வளர்ந்துள்ளது.

சென்னையிலிருந்து ஒரு மணி நேர பயண தூரத்தில் ஸ்ரீபெரும்புதூருக்கு அருகிலுள்ள மன்னூர் கிராமத்தில் அமைந்துள்ள இந்த ஆசிரமம் 1973 ஆம் ஆண்டில் YSS இன் நீண்டகால பக்தரான ஸ்ரீ கெய்டோண்டேவால் ஒரு நிலமாக வாங்கப்பட்டது, இறுதியில் 1998 இல் YSS க்கு நன்கொடையாக வழங்கப்பட்டது. 2006 டிசம்பர் 31 அன்று, ஸ்வாமி சந்தானந்தா பிரதான கட்டிடத்திற்கு அடிக்கல் நாட்டினார். ஸ்வாமி சுத்தானந்தா ஜூலை 25, 2010 அன்று ஆசிரமத்தைத் திறந்து வைத்தார், மேலும் 1,000 க்கும் மேற்பட்ட பக்தர்கள் கலந்து கொண்ட முதல் சன்னியாசிகள் வழிநடத்தும்   நிகழ்ச்சியை நடத்தினார்.

சென்னை யோகதா சத்சங்க சாகா ஆசிரமம் பக்தர்கள் தங்கள் பயிற்சியை புதுப்பிக்கவும், பரமஹம்ஸ யோகானந்தரின் ராஜ யோக போதனைகளைக ஆய்வு செய்யவும், உணர்ந்தறியவும் உதவும் புனித இடங்களால்   நிரம்பியுள்ளது. ஞாயிறு சத்சங்கம் மற்றும் தினசரி தியானங்களில் பங்கேற்பதைத் தவிர, பக்தர்கள் ஆசிரம சன்னியாசிகளிடமிருந்து பரமஹம்ஸ யோகானந்தர் வழங்கிய தியான உத்திகள் தொடர்பான ஆன்மீக ஆலோசனை மற்றும் வழிகாட்டுதலைப் பெற வரவேற்கப்படுகிறார்கள்.