చెన్నై ఏకాంత ధ్యాన వాసమును 2010లో అంకితం చేసిన సందర్భంగా పూర్వపు సంఘమాత మరియు వై.ఎస్‌.ఎస్./ఎస్.ఆర్.ఎఫ్. మూడవ అధ్యక్షురాలు శ్రీ శ్రీ దయామాతగారి శుభాశీస్సుల పలుకులు, యోగదా సత్సంగ శాఖా ఆశ్రమం, చెన్నై యొక్క పరిణామ ఎదుగుదలను సూచిస్తాయి.

ఈ ఆశ్రమం ప్రేమతో కూడిన శ్రమకు పరాకాష్ట — భగవంతుడికి మరియు గురుదేవులకు అవిశ్రాంతంగా చేసిన సేవాస్ఫూర్తికి ఒక తీపి నిదర్శనం. మొదట నిర్జన ప్రదేశంలో ఒక చిన్న ధ్యాన కుటీరంతో ప్రారంభమై, నగర జీవితంలోని హడావుడి గందరగోళాల మధ్య పునరుజ్జీవనం కోరుకునే భక్తుల కోసం క్రమేణా ఒక ఆధ్యాత్మిక ఒయాసిస్సు‌గా ఎదిగింది.

శ్రీపెరంబుదూర్ సమీపంలోని మన్నూర్ గ్రామం వద్ద, చెన్నై నుండి ఒక గంట ప్రయాణ దూరంలో ఉన్న ఈ ఆశ్రమాన్ని 1973లో వై.ఎస్‌.ఎస్. కు చిరకాల భక్తులైన శ్రీ గైతోండే ఒక స్థలంగా దీనిని కొనుగోలు చేసి, చివరికి 1998లో వై.ఎస్‌.ఎస్. కి విరాళంగా సమర్పించారు. డిసెంబర్ 31, 2006న, ప్రధాన భవనానికి స్వామి శాంతానంద శంకుస్థాపన చేశారు. జూలై 25, 2010న స్వామి సుద్ధానంద ఈ ఏకాంత ధ్యాన వాసాన్ని ప్రారంభించి సన్యాసుల మొట్టమొదటి కార్యక్రమాన్ని నిర్వహించారు. ఇందులో 1000 మందికి పైగా భక్తులు పాల్గొన్నారు.

చెన్నైలోని యోగదా సత్సంగ శాఖా ఆశ్రమంలో పవిత్రమైన ప్రదేశాలు కొలువై ఉన్నాయి, భక్తులు తమ సాధన, అధ్యయనాన్ని పునరుజ్జీవింపజేసుకొని పరమహంస యోగానందగారి రాజయోగ బోధనలను కనుగొనడానికి వీలు కల్పిస్తాయి. ఆదివారం సత్సంగం మరియు రోజువారీ ధ్యానాలకు హాజరుకావడంతో పాటు, పరమహంస యోగానందగారు ప్రసాదించిన ధ్యాన ప్రక్రియలకు సంబంధించి వై.ఎస్.ఎస్. సన్యాసుల ఆధ్యాత్మిక సలహాలను మరియు మార్గదర్శకత్వం పొందడానికి భక్తులు ఆహ్వానించబడతారు.