“தீங்கு எத்தகையதாயினும் மன்னிக்க வேண்டும். இந்த இனத்தின் தொடர்ச்சிக்கு மனிதனின் மன்னிக்கும் குணம் தான் காரணம் என்று கூறப்படுகிறது. மன்னிப்பு என்பது வல்லவர்களின் வல்லமையாகும்.”

இந்த வார்த்தைகளின் மூலம், நாம் தவறு செய்தவர்களை மன்னிப்பது எவ்வளவு முக்கியம் என்பதை மகாபாரதம் வலியுறுத்துகிறது. மன்னிப்பவன் பரிசுத்தப்படுத்தும் மற்றும் புத்துணர்ச்சியூட்டும் ஒரு சுதந்திரத்தை அனுபவிக்கிறான். அக அமைதி மற்றும் சாந்தமான நிலைக்கு புகும் அதே வேளையில், மன்னிக்கப்பட்டவரை விட மன்னிப்பவருக்கு மன்னிப்பு என்ற தெய்வீக குணத்தைப் பயிற்சி செய்வது எவ்வளவு நன்மை பயக்கும் என்பதை இந்த உரை வலியுறுத்துகிறது.

நமது சன்னியாசிகள் ஒரே நேரத்தில் ஆங்கிலத்திலும் இந்தியிலும் இந்த தலைப்பில் சொற்பொழிவுகள் நிகழ்த்தினர்.

ஸ்வாமி ஸ்மரணானந்த கிரி வழங்கிய ஆங்கில சொற்பொழிவு நேரடி ஒளிபரப்பு செய்யப்பட்டது.

தயா மாதாஜி கூறுகிறார்: “உங்கள் எண்ணம் இறைவனை எவ்வளவு நெருக்கமாக நினைக்க வைக்கிறதோ அவ்வளவு நெருக்கமாக இறைவன் உங்களிடம் இருக்கிறான் என்பதை நினைவில் கொள்ளுங்கள். அவன் எங்கும் நிறைந்தவன். இக்கணத்தில் அவன் உங்களுடனேயே, உங்கள் மூடிய கண்களுக்குப் பின்னால் இருப்பதாக நீங்கள் ஒப்புக்கொண்டால், நீங்கள் அவனுடைய அருகாமையை உணர்வீர்கள்.” இறைவன் ஒரு சிந்தனை அளவு நெருக்கத்தில் தான் இருக்கிறான் மேலும் எப்போதும் அன்புடன் நம்மீது கவனம் செலுத்துகிறான் என்ற நம்பிக்கை நம்மிடம் இருக்கும்போது, அவனை நோக்கி மேலும் மேலும் அதிக முறை திரும்புவோம் மற்றும் அவனுடனான தோழமையில் மகிழ்ச்சியுறுவோம்.

நமது சன்னியாசிகள் ஆங்கிலம், இந்தி, தமிழ் மற்றும் தெலுங்கு ஆகிய மொழிகளில் இந்த தலைப்பில் சொற்பொழிவுகள் நிகழ்த்தினர்.

ஸ்வாமி ஷ்ரத்தானந்த கிரியின் ஆங்கில சொற்பொழிவு நேரடி ஒளிபரப்பு செய்யப்பட்டது.